parson main baazaar gayaa thaa darpan lene ki khaatir — Navin C. Chaturvedi

bhulaa diyaa hai jo tu ne to kuchh malaal nahin
kai dinon se mujhe bhi tiraa khayaal nahin

miraa saaya mire bas mein nahin hai
magar duniyaa pe daavaa kar rahaa huun

pyaas ko pyaar karnaa thaa keval
ek akhshar badal na paae ham

baghair puchhe mire sar mein bhar diyaa mazhab
main roktaa bhi to kaise ki main to bachcha thaa

kis ko fursat hai jo harfon ki haraarat samjhaae
baat aasaani tak aae to sabhi tak pahunche

nae safar kaa har ik moD bhi nayaa thaa magar
har ek moD pe koi sadaaein detaa thaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa