bachche ne titli pakaD kar chhoD di — Nazeer Qaisar

jab vo saath hotaa hai
ham akele hote hain

khvaab kyaa thaa jo mire sar mein rahaa
raat bhar ik shor saa ghar mein rahaa

rang laai hai hasrat-e-taamir
gir rahi hain imaaratein kyaa kyaa

patthar hotaa jaataa huun
hansne do yaa rone do

nayaa libaas pahan kar bhi
duniyaa vahi puraani hai

yuun tujhe dekh ke chaunk uThti hain soi yaadein
jaise sannaaTe mein aavaaz lagaa de koi

main baDaa ho gayaa huun magar bachpanaa
mere dil se kabhi bhi gayaa hi nahin

hazaaron sher mere so gae kaaghaz ki qabron mein
ajab maan huun koi bachcha miraa zinda nahin rahtaa

vo maathaa kaa matla ho ki honThon ke do misre
bachpan se ghazal hi meri mahbuba rahi hai

yahaan ek bachche ke khuun se jo likhaa huaa hai use paDhein
tiraa kirtan abhi paap hai abhi meraa sajda haraam hai

nikalne hi nahin deti hain ashkon ko miri aankhein
ki ye bachche hamesha maan ki nigaraani mein rahte hain

main ne bachpan ki khushbu-e-naazuk
ek titli ke sang uDaai thi