main ne bachpan ki khushbu-e-naazuk — Afzaal Naveed

kyaa jaane kis kaa haath mire haath aa gayaa
jis ki giraft chaahiye thi shal milaa mujhe

jang se jangal banaa jangal se main niklaa nahin
ho gayaa ojhal magar ojhal se main niklaa nahin

ayyaam ke ghubaar se niklaa to der tak
main raaston ko dhuul banaa dekhtaa rahaa

sahar ki guunj se aavaaza-e-jamaal huaa
so jaagtaa rahaa atraaf ko jagaae hue

darvaaze the kuchh aur bhi darvaaze ke pichhe
barson pe gai baat mahinon se nikal kar

rahti hai shab-o-roz mein baarish si tiri yaad
khvaabon mein utar jaati hain ghanghor si aankhein

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

shor din ko nahin sone detaa
shab ko sannaaTaa jagaa detaa hai

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

ham ne hazaar faasle ji kar tamaam shab
ik mukhtasar si raat ko muddat banaa diyaa

bhaTakti hai havas din-raat sone ki dukaanon par
gharibi kaan chhidvaati hai tinkaa Daal leti hai

sochaa nahin achchhaa-buraa dekhaa-sunaa kuchh bhi nahin
maangaa khudaa se raat-din tere sivaa kuchh bhi nahin