yahaan ek bachche ke khuun se jo likhaa huaa hai use paDhein — Bashir Badr

na tum hosh mein ho na ham hosh mein hain
chalo mai-kade mein vahin baat hogi

bhuul shaayad bahut baDi kar li
dil ne duniyaa se dosti kar li

ik shaam ke saae tale baiThe rahe vo der tak
aankhon se ki baatein bahut munh se kahaa kuchh bhi nahin

khudaa aise ehsaas kaa naam hai
rahe saamne aur dikhaai na de

hasin to aur hain lekin koi kahaan tujh saa
jo dil jalaae bahut phir bhi dilrubaa hi lage

khudaa ki itni baDi kaaenaat mein main ne
bas ek shakhs ko maangaa mujhe vahi na milaa

main baDaa ho gayaa huun magar bachpanaa
mere dil se kabhi bhi gayaa hi nahin

bachpan mein shauq se jo gharaunde banaae the
ik huuk si uThi unhein mismaar dekh kar

maan khush hai ki aakhir bachche siikh gae hain khush rahnaa
bachche khush hain siikh gae hain dard chhupaanaa achchhe se

nai bahron mein ye misron ke pech-o-kham banaataa hai
ye ghazlein an-ginat likhtaa hai bachche kam banaataa hai

abas hai un se ik chiDiyaa ke bachche ki vilaadat bhi
ki in fashion-zada ghar-vaaliyon se kuchh nahin hogaa

bachche meri ungli thaame dhire dhire chalte the
phir vo aage dauD gae main tanhaa pichhe chhuT gayaa