phulon ki zad mein aa ke kahin jaan se na jaae — Neel Ahmed

dil ki udaasiyon kaa koi sabab nahin hai
bas ye sabab hai mere dil ki udaasiyon kaa

aur phir mohabbat mein ji ke mar ke dekhaa hai
log sochte hain jo ham ne kar ke dekhaa hai

mire siine se lag kar der tak roti hai tanhaai
kisi ne kah diyaa us se mohabbat ho gai mujh ko

havaa kaa rang nahin hai magar mizaaj to hai
havaa se dosti karnaa koi mazaaq nahin

qaid kar lo mujhe khayaalon mein
is jahaan se rihaai mil jaae

main jal gai huun dhuup ki kirnon se jaa-ba-jaa
aur vo samajh rahe hain ki rangat nikhar gai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

sunaa hai phuul jhaDe the jahaan tire lab se
vahaan bahaar utarti hai roz shaam ke saath

tujh se bichhDun to koi phuul na mahke mujh mein
dekh kyaa karb hai kyaa zaat ki sachchaai hai

aa gayaa thaa ek din lab par jafaaon kaa gilaa
aaj tak jab un se milte hain to sharmaate hain ham