kitne pur-haul andheron se guzar kar ai dost — Nisar Itavi

ye dil vaalon se puchho is ko dil vaale samajhte hain
bigaaD aai havaa zulfein kisi ki yaa sanvaar aai

yaqinan rahbar-e-manzil kahin par raastaa bhulaa
vagarna qaafile ke qaafile gum ho nahin sakte

aa dost saath aa dar-e-maazi se maang laaein
vo apni zindagi ki javaan bhi hasin bhi thi

dil mein kyaa kyaa gumaan guzarte hain
muskuraao na baat se pahle

afsos kisi se miT na saki insaan ke dil ki tishna-labi
shabnam hai ki royaa karti hai baadal hain ki barsaa karte hain

subh bichhaD kar shaam kaa vaada shaam kaa honaa sahal nahin
un ki tamannaa phir kar lenaa subh ko pahle shaam karo

jab ki pahlu se yaar uThtaa hai
dard be-ikhtiyaar uThtaa hai

kitnaa chaalaak hai vo yaar-e-sitamgar dekho
us ne tohfe mein ghaDi di hai magar vaqt nahin

khudi se pyaar karo aur khudaa ke saath raho
ye tum se kis ne kahaa bevafaa ke saath raho

Dare huon ne tumhein bhi Daraa diyaa varna
khudaa to pyaar sikhaataa hai kuchh nahin kahtaa

yaar ke darsan ke khaatir jaan aur tan bhuul jaa
aankh munavvar dekh us kaa rang-e-gulshan bhuul jaa

raazi hain ham ki dost se ho dushmani magar
dushman ko ham se dost banaayaa na jaaegaa