aa dost saath aa dar-e-maazi se maang laaein — Nisar Itavi

ye dil vaalon se puchho is ko dil vaale samajhte hain
bigaaD aai havaa zulfein kisi ki yaa sanvaar aai

kitne pur-haul andheron se guzar kar ai dost
ham tire husn ki rakhshanda sahar tak pahunche

yaqinan rahbar-e-manzil kahin par raastaa bhulaa
vagarna qaafile ke qaafile gum ho nahin sakte

dil mein kyaa kyaa gumaan guzarte hain
muskuraao na baat se pahle

afsos kisi se miT na saki insaan ke dil ki tishna-labi
shabnam hai ki royaa karti hai baadal hain ki barsaa karte hain

subh bichhaD kar shaam kaa vaada shaam kaa honaa sahal nahin
un ki tamannaa phir kar lenaa subh ko pahle shaam karo

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

tu bhi naaraaz bahut hai mujh se
zindagi tujh se khafaa huun main bhi

vaqaar' ai kaash meri umr mein shaamil na ki jaae
vo muddat haan vahi muddat jo guzri un ki furqat mein

khush-gumaan har aasraa be-aasraa saabit huaa
zindagi tujh se ta'alluq khokhlaa saabit huaa