subh bichhaD kar shaam kaa vaada shaam kaa honaa sahal nahin — Nisar Itavi

kitne pur-haul andheron se guzar kar ai dost
ham tire husn ki rakhshanda sahar tak pahunche

yaqinan rahbar-e-manzil kahin par raastaa bhulaa
vagarna qaafile ke qaafile gum ho nahin sakte

aa dost saath aa dar-e-maazi se maang laaein
vo apni zindagi ki javaan bhi hasin bhi thi

dil mein kyaa kyaa gumaan guzarte hain
muskuraao na baat se pahle

afsos kisi se miT na saki insaan ke dil ki tishna-labi
shabnam hai ki royaa karti hai baadal hain ki barsaa karte hain

ye dil vaalon se puchho is ko dil vaale samajhte hain
bigaaD aai havaa zulfein kisi ki yaa sanvaar aai

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

hasrat-e-did mein aakhir ko dam apnaa ulTaa
parda-e-chashm na us shokh ne apnaa ulTaa

dil-lagi mein hasrat-e-dil kuchh nikal jaati to hai
bose le lete hain ham do-chaar hanste bolte

vahi manzilein vahi dasht o dar tire dil-zadon ke hain raahbar
vahi aarzu vahi justuju vahi raah-e-pur-khatar-e-junun

jo tire khitta-e-be-aab ki khvaahish na banaa
kulbulaataa hai vo dariyaa kisi kohsaar mein gum

zindagi bhar mujhe is baat ki hasrat hi rahi
din guzaarun to koi raat suhaani aae