zakhm nahin maa'lum chalaa par daagh kahaan kho saktaa hai — Nitin Nayab

ham apne pairon kaa ek kaanTaa nikaalne ke liye ruke the
bas itne lamhe kaa bitnaa thaa ki ham se aage nikal gae sab

'ishq ki chaadar laayaa huun aur khaas baat ye hai is mein
jitne pair pasaaro ye utni lambi ho jaati hai

dukh ke baazaar mein ham zabt kamaane vaale
ashk ko aankh kaa nuqsaan kahaa karte hain

sar yuun jhukte chale jaate hain ki gir hi na paDein
aisi 'izzat mire sarkaar buri lagti hai

kisi samundar se ek qatra agar nikal kar nadi ki jaanib
qadam uThaa le to vo safar ik misaal hogaa kamaal hogaa

khushk gul phir bhi kitaabon mein bhale lagte hain
zang lag jaae to talvaar buri lagti hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ghaas mein jazb hue honge zamin ke aansu
paanv rakhtaa huun to halki si nami lagti hai

na jaane sher mein kis dard kaa havaala thaa
ki jo bhi lafz thaa vo dil dukhaane vaalaa thaa

yaad ne aa kar yakaayak parda khinchaa duur tak
main bhari mahfil mein baiThaa thaa ki tanhaa ho gayaa