ik sadaa aasmaan se aati hai — Nivesh Sahu

ye gila hai ki haartaa bhi nahin
biich mein khel chhoD detaa huun

kyaa hai ki ham us ko kabhi puure nahin paDte
ham hi nahin kar paate hain bharpaai hamaari

nihaayat bhale tajriba-kaar ahl-e-vafaa chun liye hain
hamaari suhulat se ham ne hamaare khudaa chun liye hain

zinda rahaa to kaun saa zinda rahungaa main
mar bhi gayaa to kaun saa main mar hi jaaungaa

tum ko afsos tumhein Thiik banaayaa na gayaa
aur ik ham ki abhi chaak pe rakkhe na gae

agar hotaa to khud ko phir banaataa
magar afsos kuza-gar nahin huun

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

chingaariyaan na Daal mire dil ke ghaao mein
main khud hi jal rahaa huun ghamon ke alaao mein

tum to sun paae na aavaaz-e-shikast-e-dil bhi
kuchh hamin the ki harif-e-gham-e-duniyaa bhi hue