ye gila hai ki haartaa bhi nahin — Nivesh Sahu

kyaa hai ki ham us ko kabhi puure nahin paDte
ham hi nahin kar paate hain bharpaai hamaari

nihaayat bhale tajriba-kaar ahl-e-vafaa chun liye hain
hamaari suhulat se ham ne hamaare khudaa chun liye hain

zinda rahaa to kaun saa zinda rahungaa main
mar bhi gayaa to kaun saa main mar hi jaaungaa

tum ko afsos tumhein Thiik banaayaa na gayaa
aur ik ham ki abhi chaak pe rakkhe na gae

rone lage to kaun hamein chup karaaegaa
so is ki ehtiyaat hai ham ro nahin rahe

agar hotaa to khud ko phir banaataa
magar afsos kuza-gar nahin huun

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

sayyaad teraa ghar mujhe jannat sahi magar
jannat se bhi sivaa mujhe raahat chaman mein thi

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kahaan milegi misaal meri sitamgari ki
ki main gulaabon ke zakhm kaanTon se si rahaa huun

ai sanam tu vo kanhayyaa hai balaaein luun agar
baansuli ki tarah naalaan hon saraapaa ungliyaan