shahr-e-jaan mein vabaaon kaa ik daur thaa main adaa-e-tanaffus mein k — Pallav Mishra

hamaaraa kaam to mausam kaa dhyaan karnaa hai
aur us ke baa'd ke sab kaam shash-jahaat ke hain

main ek khaana-ba-dosh huun jis kaa ghar hai duniyaa
so apne kaandhe pe le ke ye ghar bhaTak rahaa huun

main tujh se milne samay se pahle pahunch gayaa thaa
so tere ghar ke qarib aa kar bhaTak rahaa huun

ye tai huaa thaa ki khuub roeinge jab mileinge
ab us ke shaane pe sar hai to hanste jaa rahe hain

ye jism tang hai siine mein bhi lahu kam hai
dil ab vo phuul hai jis mein ki rang-o-bu kam hai

main apni maut se khalvat mein milnaa chaahtaa huun
so meri naav mein bas main huun naakhudaa nahin hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

chhoTi si umr mein hain vo dilbar to aib kyaa
sin ki kami nikal gai zulf-e-daraaz se