rafaaqaton ke nae khvaab khushnumaa hain magar — Parveen Shakir

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

main sach kahungi magar phir bhi haar jaaungi
vo jhuuT bolegaa aur laa-javaab kar degaa

vo kahin bhi gayaa lauTaa to mire paas aayaa
bas yahi baat hai achchhi mire harjaai ki

laDkiyon ke dukh ajab hote hain sukh us se ajiib
hans rahi hain aur kaajal bhigtaa hai saath saath

tujhe manaaun ki apni anaa ki baat sunun
ulajh rahaa hai mire faislon kaa resham phir

ab to is raah se vo shakhs guzartaa bhi nahin
ab kis ummid pe darvaaze se jhaanke koi

jab ki pahlu se yaar uThtaa hai
dard be-ikhtiyaar uThtaa hai

vaqt ke maqtal mein ham hain dosto
vaqt ik din ham ko bhi khaa jaaegaa

chaman mein rakhte hain kaanTe bhi ik maqaam ai dost
faqat gulon se hi gulshan ki aabru to nahin

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

saakinaan-e-shahr ab hoshyaar honaa chaahiye
member aur voter kaa kuchh meaar honaa chaahiye

tumhaari rah kaa rahaa ham ko har taraf dhokaa
chale jidhar ko so be-ikhtiyaar ho ke chale