qatl karnaa to is ko Thiik nahin — Pooja Bhatiya

vo jo pahlaa thaa apnaa ishq vahi
aakhiri vaardaat thi dil ki

vo kis kaa hai is se kyaa lenaa denaa
baaz dafa kaafi hai us kaa honaa bhi

ek isi baat kaa thaa Dar us ko
mujh mein inkaar ki bhi himmat thi

chalte chalte aksar ruk kar sochaa bhi
kyaa manzil par yaad rahegaa rastaa bhi

us ki bechaini baDhaanaa chaahti huun
suniye kah kar chup lagaanaa chaahti huun

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

lazzat-e-dard-e-mohabbat nahin hoti jis mein
dil vo miTTi kaa vo miTTi kaa jigar hotaa hai