us ki bechaini baDhaanaa chaahti huun — Pooja Bhatiya

vo jo pahlaa thaa apnaa ishq vahi
aakhiri vaardaat thi dil ki

vo kis kaa hai is se kyaa lenaa denaa
baaz dafa kaafi hai us kaa honaa bhi

ek isi baat kaa thaa Dar us ko
mujh mein inkaar ki bhi himmat thi

chalte chalte aksar ruk kar sochaa bhi
kyaa manzil par yaad rahegaa rastaa bhi

qatl karnaa to is ko Thiik nahin
ishq ki maut haadse mein ho

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

tum ne jo kitaabon ke havaale kiye jaanaan
vo phuul to baalon mein sajaane ke liye the

kyon bhalaa kachche makaanon kaa tumhein aayaa khayaal
tum to dariyaa the tumhein tez guzar jaanaa thaa

saail aayaa hai tire dar pe khudi ko kho kar
dekhnaa hai mujhe kyaa aaj 'ataa hotaa hai