vo jo pahlaa thaa apnaa ishq vahi — Pooja Bhatiya

vo kis kaa hai is se kyaa lenaa denaa
baaz dafa kaafi hai us kaa honaa bhi

ek isi baat kaa thaa Dar us ko
mujh mein inkaar ki bhi himmat thi

chalte chalte aksar ruk kar sochaa bhi
kyaa manzil par yaad rahegaa rastaa bhi

qatl karnaa to is ko Thiik nahin
ishq ki maut haadse mein ho

us ki bechaini baDhaanaa chaahti huun
suniye kah kar chup lagaanaa chaahti huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

kin manzilon luTe hain mohabbat ke qaafile
insaan zamin pe aaj gharib-ul-vatan saa hai