chalte chalte aksar ruk kar sochaa bhi — Pooja Bhatiya

vo jo pahlaa thaa apnaa ishq vahi
aakhiri vaardaat thi dil ki

vo kis kaa hai is se kyaa lenaa denaa
baaz dafa kaafi hai us kaa honaa bhi

ek isi baat kaa thaa Dar us ko
mujh mein inkaar ki bhi himmat thi

qatl karnaa to is ko Thiik nahin
ishq ki maut haadse mein ho

us ki bechaini baDhaanaa chaahti huun
suniye kah kar chup lagaanaa chaahti huun

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

maango samundaron se na saahil ki bhiik tum
haan fikr o fan ke vaaste gahraai maang lo

gulaabon ke honTon pe lab rakh rahaa huun
use der tak sochnaa chaahtaa huun

na gharaz kisi se na vaasta mujhe kaam apne hi kaam se
tire zikr se tiri fikr se tiri yaad se tire naam se

samajh le naam teraa hi likhaa hai daane daane par
kabhi mat soch meade ke liye achchhaa buraa kyaa hai