zindagi bhar ke liye ruuTh ke jaane vaale — Qaisarul Jafri

ghar lauT ke roeinge maan baap akele mein
miTTi ke khilaune bhi saste na the mele mein

havaa khafaa thi magar itni sang-dil bhi na thi
hamin ko shama jalaane kaa hausla na huaa

divaaron se mil kar ronaa achchhaa lagtaa hai
ham bhi paagal ho jaaeinge aisaa lagtaa hai

kitne dinon ke pyaase honge yaaro socho to
shabnam kaa qatra bhi jin ko dariyaa lagtaa hai

tu is tarah se mire saath bevafaai kar
ki tere baa'd mujhe koi bevafaa na lage

tumhaare shahr kaa mausam baDaa suhaanaa lage
main ek shaam churaa luun agar buraa na lage

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ik hi lamhe mein samajh aati nahin koi kitaab
umr lagti hai kisi shakhs ko pahchaanne mein