yuun tasalli de rahe hain ham dil-e-bimaar ko — Qateel Shifai

abhi to baat karo ham se doston ki tarah
phir ikhtilaaf ke pahlu nikaalte rahnaa

aakhri hichki tire zaanun pe aae
maut bhi main shaairaana chaahtaa huun

apne haathon ki lakiron mein sajaa le mujh ko
main huun teraa tu nasib apnaa banaa le mujh ko

nikal kar dair-o-kaaba se agar miltaa na but-khaana
to Thukraae hue insaan khudaa jaane kahaan jaate

kyuun sharik-e-gham banaate ho kisi ko ai 'qatil'
apni suuli apne kaandhe par uThaao chup raho

ab jis ke ji mein aae vahi paae raushni
ham ne to dil jalaa ke sar-e-aam rakh diyaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

buton mein koi bhalaai bhi hai sivaae sitam
buraa ho teraa dil-e-naa-sazaa kidhar aayaa

lo chaae mein bhi chaae ki patti nahin Daali
tum ko to mohabbat ke sivaa kuchh nahin aataa

ishq phir ishq hai aashufta-sari maange hai
hosh ke daur mein bhi jaama-dari maange hai

us se yahi kahtaa huun vaajib ehtiraam-e-ishq hai
andar se ye khvaahish hai vo jaisaa kahe vaisaa karun