eid kaa chaand jo dekhaa to tamannaa lipTi — Rahmat Qarni

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

'aarzu' jaam lo jhijak kaisi
pi lo aur dahshat-e-gunaah gai

ham 'aarzu' aae baiThe hain aur vo sharmaae baiThe hain
mushtaaq-nazar gustaakh nahin parda sarkaanaa kyaa jaane

huaa main rind-mashrab khaak mar kar is tamannaa mein
namaaz aakhir paDheinge vo kisi din to tayammum se