apne ko talaash kar rahaa huun — Rais Amrohvi

aadmi ki talaash mein hai khudaa
aadmi ko khudaa nahin miltaa

sirf taarikh ki raftaar badal jaaegi
nai taarikh ke vaaris yahi insaan honge

ham apne haal-e-pareshaan pe baarhaa roe
aur us ke baa'd hansi ham ko baarhaa aai

khaamosh zindagi jo basar kar rahe hain ham
gahre samundaron mein safar kar rahe hain ham

ham apni zindagi to basar kar chuke 'rais'
ye kis ki ziist hai jo basar kar rahe hain ham

sadiyon tak ehtimaam-e-shab-e-hijr mein rahe
sadiyon se intizaar-e-sahar kar rahe hain ham

zaraa un ki shokhi to dekhnaa liye zulf-e-kham-shuda haath mein
mere paas aae dabe dabe mujhe saanp kah ke Daraa diyaa

ehsaas-e-tirgi thaa use raushni ke baad
is khauf se charaagh ki lau kaanpti rahi

Dareinge log vafaa ke khayaal se 'nazmi'
miri vafaaon kaa jis din sila milegaa mujhe

tu mere saath nahin hai to sochtaa huun main
ki ab to tujh se bichhaDne kaa koi Dar bhi nahin

dhuup jhumke pe jab paDi us ke
Dar ke suraj ne pher li aankhein

khauf se ab yuun na apne ghar kaa darvaaza lagaa
tez hain kitni havaaein is kaa andaaza lagaa