sadiyon tak ehtimaam-e-shab-e-hijr mein rahe — Rais Amrohvi

apne ko talaash kar rahaa huun
apni hi talab se Dar rahaa huun

sirf taarikh ki raftaar badal jaaegi
nai taarikh ke vaaris yahi insaan honge

ham apne haal-e-pareshaan pe baarhaa roe
aur us ke baa'd hansi ham ko baarhaa aai

khaamosh zindagi jo basar kar rahe hain ham
gahre samundaron mein safar kar rahe hain ham

ham apni zindagi to basar kar chuke 'rais'
ye kis ki ziist hai jo basar kar rahe hain ham

aadmi ki talaash mein hai khudaa
aadmi ko khudaa nahin miltaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

chali samt-e-ghaib siin kyaa havaa ki chaman zuhur kaa jal gayaa
magar ek shaakh-e-nihaal-e-gham jise dil kaho so hari rahi

har raaste se manzil-e-hasti hai bahut duur
jaaegaa mire saath gham-e-yaar kahaan tak

specialist pain-killer de to kaun saa?
''saare jahaan kaa dard hamaare jigar mein hai''