aalam-e-hu mein kuchh aavaaz si aa jaati hai — Riyaz Khairabadi

mai-khaane mein mazaar hamaaraa agar banaa
duniyaa yahi kahegi ki jannat mein ghar banaa

aap aae to khayaal-e-dil-e-naashaad aayaa
aap ne yaad dilaayaa to mujhe yaad aayaa

ghurur bhi jo karun main to aajizi ho jaae
khudi mein lutf vo aae ki be-khudi ho jaae

ham jaante hain lutf-e-taqaazaa-e-mai-farosh
vo naqd mein kahaan jo mazaa hai udhaar mein

baDe paak tinat baDe saaf baatin
'riyaaz' aap ko kuchh hamin jaante hain

aisi hi intizaar mein lazzat agar na ho
to do ghaDi firaaq mein apni basar na ho

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

agar apne dil-e-betaab ko samjhaa liyaa main ne
to ye kaafir nigaahein kar sakeingi intizaam apnaa

dil bhi toDaa to saliqe se na toDaa tum ne
bevafaai ke bhi aadaab huaa karte hain

band kamre mein zehn kyaa badle
ghar se niklo to kuchh fazaa badle

dil ke phaphule jal uThe siine ke daagh se
is ghar ko aag lag gai ghar ke charaagh se