thaa bahut un ko gilauri kaa uThaanaa mushkil — Riyaz Khairabadi

mai-khaane mein mazaar hamaaraa agar banaa
duniyaa yahi kahegi ki jannat mein ghar banaa

aap aae to khayaal-e-dil-e-naashaad aayaa
aap ne yaad dilaayaa to mujhe yaad aayaa

ghurur bhi jo karun main to aajizi ho jaae
khudi mein lutf vo aae ki be-khudi ho jaae

ham jaante hain lutf-e-taqaazaa-e-mai-farosh
vo naqd mein kahaan jo mazaa hai udhaar mein

baDe paak tinat baDe saaf baatin
'riyaaz' aap ko kuchh hamin jaante hain

aisi hi intizaar mein lazzat agar na ho
to do ghaDi firaaq mein apni basar na ho

kyon tasavvur mein ji rahaa huun main
jab haqiqat mein mar hi jaanaa hai

apni anaa ki aaj bhi taskin ham ne ki
ji bhar ke us ke husn ki tauhin ham ne ki

vo kuchh muskuraanaa vo kuchh jheinp jaanaa
javaani adaaein sikhaati hain kyaa kyaa

hamaaraa 'mir'-ji se muttafiq honaa hai naa-mumkin
uThaanaa hai jo patthar ishq kaa to halkaa bhaari kyaa

main ne maanaa ki dil nahin naakaam
phir mire kaam kyuun nahin aataa

juun aks kahaan miraa Thikaanaa
tere jalve se jalva-gar huun