sakht-jaani mein bhi niklogi misaali yaani — Roohi Kanjahi

vo tavajjoh de na de lekin sadaa dete raho
apne hone kaa use 'ruhi' pataa dete raho

pata hotaa to na kartaa kabhi koi neki
tumhin jannat mein milogi mujhe maalum na thaa

kahaa laDke ki ammi ne rahegi khush sadaa beTi
ki uupar se bhi laDke ki kamaai hoti rahti hai

hamaari biivi aur mahngaai donon hain sagi bahnein
hamaari jeb ki aksar safaai hoti rahti hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

main jis mein rah na sakaa ji-huzuriyon ke sabab
ye aadmi hai usi kaamyaab mausam kaa