zamin ne khuun uglaa aasmaan ne aag barsaai — Sahir Ludhianvi

le de ke apne paas faqat ik nazar to hai
kyuun dekhein zindagi ko kisi ki nazar se ham

ham jurm-e-mohabbat ki sazaa paaeinge tanhaa
jo tujh se hui ho vo khataa saath liye jaa

ham amn chaahte hain magar zulm ke khilaaf
gar jang laazmi hai to phir jang hi sahi

hazaar barq gire laakh aandhiyaan uTThein
vo phuul khil ke raheinge jo khilne vaale hain

kaun rotaa hai kisi aur ki khaatir ai dost
sab ko apni hi kisi baat pe ronaa aayaa

milti hai zindagi mein mohabbat kabhi kabhi
hoti hai dilbaron ki inaayat kabhi kabhi

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

badalte vaqt ne badle mizaaj bhi kaise
tiri adaa bhi gai meraa baankpan bhi gayaa

manzil hai kaThin dil bahut aaraam-talab hai
kyuun yaad mujhe aate ho ai bhulne vaalo

chehre pe jo likhaa hai vahi us ke dil mein hai
paDh li hain surkhiyaan to ye akhbaar pheink de

junun bhi zahmat khirad bhi laanat hai zakhm-e-dil ki davaa mohabbat
harim-e-jaan mein tavaaf-e-paiham yahi hai andaaz-e-aashiqaana