main Thahartaa gayaa rafta rafta — Abrar Ahmad

yaad bhi teri miT gai dil se
aur kyaa rah gayaa hai hone ko

tu kahin baiTh aur hukm chalaa
ham jo hain teraa bojh Dhone ko

kahin koi charaagh jaltaa hai
kuchh na kuchh raushni rahegi abhi

bhar laae hain ham aankh mein rakhne ko muqaabil
ik khvaab-e-tamannaa tiri ghaflat ke baraabar

qisse se tire meri kahaani se ziyaada
paani mein hai kyaa aur bhi paani se ziyaada

har rukh hai kahin apne khad-o-khaal se baahar
har lafz hai kuchh apne maaani se ziyaada

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

hichkiyaan aati hain kyuun ai dil-e-naashaad mujhe
shaayad us shokh ne bhule se kiyaa yaad mujhe

hinaa kaa rang ye hargiz nahin hai sach bataa zaalim
ye kis kaa phuul saa dil tu ne paanv se masal Daalaa

kaaba sau baar vo gayaa to kyaa
jis ne yaan ek dil mein raah na ki

chalaa ghar se vo bahr-e-husn allaah re kashish dil ki
ajab qatra hai jo khinche liye jaataa hai dariyaa ko