kaTegi kaise gul-e-nau ki zindagi yaa-rab — Salam Sandelvi

sau baar aai honTon pe jhuTi hansi magar
ik baar bhi na dil se kabhi muskuraa sake

shabnam ne ro ke ji zaraa halkaa to kar liyaa
gham us kaa puchhiye jo na aansu bahaa sake

khushi ke phuul khile the tumhaare saath kabhi
phir is ke baa'd na aayaa bahaar kaa mausam

bahut ummid thi manzil pe jaa kar chain paaeinge
magar manzil pe jab pahunche to nazm-e-kaarvaan badlaa

rah-e-hayaat chamak uTThe kahkashaan ki tarah
agar charaagh-e-mohabbat koi jalaa ke chale

tira-o-taar fazaaon mein jiyaa huun ab tak
nikhat-o-nur ke ayyaam ki hasrat hi rahi

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

zindagi zor hai ravaani kaa
kyaa thamegaa bahaav paani kaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne