kahin aankhein kahin baazu kahin se sar nikal aae — Saleem Figar

shaakh-dar-shaakh tiri yaad ki hariyaali hai
ham ne shaadaab bahut dil kaa shajar rakkhaa hai

vo chaand TuuT gayaa jis se raat raushan thi
chamak rahe the falak par jo sab sitaare gae

andhere ko nigaltaa jaa rahaa huun
diyaa huun aur jaltaa jaa rahaa huun

lafz le kar khayaal ki vusat
sher ki taazgi ki samt gayaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

meri nisbat se kare tujh ko na rusvaa duniyaa
khauf paltaa rahaa kal tujh se mulaaqaat ke baa'd

aasudgi ne thapkiyaan de kar sulaa diyaa
ghar ki zaruraton ne jagaayaa to Dar lagaa

rahzanon se mat Daro tum paarsaaon se bachcho
leadaraan-e-qaum ki zaalim adaaon se Daro

umr bhar raaste ghere rahe us shakhs kaa ghar
umr bhar khauf ke maare na vo baahar niklaa