andhere ko nigaltaa jaa rahaa huun — Saleem Figar

shaakh-dar-shaakh tiri yaad ki hariyaali hai
ham ne shaadaab bahut dil kaa shajar rakkhaa hai

vo chaand TuuT gayaa jis se raat raushan thi
chamak rahe the falak par jo sab sitaare gae

kahin aankhein kahin baazu kahin se sar nikal aae
andheraa phailte hi har taraf se Dar nikal aae

lafz le kar khayaal ki vusat
sher ki taazgi ki samt gayaa

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

sabza o gul kahaan se aae hain
abr kyaa chiiz hai havaa kyaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

gulaabon ke honTon pe lab rakh rahaa huun
use der tak sochnaa chaahtaa huun