kuchh to main bhi Daraa Daraa saa thaa — Salman Akhtar

kaise ho kyaa hai haal mat puchho
mujh se mushkil savaal mat puchho

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

jhaankte raat ke garebaan se
ham ne sau aaftaab dekhe hain

shauq hai tujh ko zamaane mein tiraa naam rahe
aur mujhe Dar hai mohabbat miri bad-naam na ho

har ek jism mein maujud hasht-paa ki tarah
vabaa kaa khauf hai khud bhi kisi vabaa ki tarah

khudaa kaa Dar na hotaa gar bashar ko
khudaa jaane ye banda kyaa na kartaa

ik khauf-e-be-panaah hai aankhon ke aar-paar
taarikiyon mein Dubtaa lamha hai saamne

kai log morcha-band khauf ki ret mein hain karam karam
tire haath mein ye jo sang hai kisi samt us ko uchhaal bhi

dil hi to hai siyaasat-e-darbaan se Dar gayaa
main aur jaaun dar se tire bin sadaa kiye