gale lag kar ham us k khuub roe — Sarfraz Zahid

khiDki se jhaank kar kisi ne
manzar ko vaaqia banaayaa

kunein ki samt bulaa le na koi khvaab mujhe
main apne baap kaa sab se hasin beTaa huun

sab ko qudrat thi khush-kalaami par
khaamushi mein zabaan-daraaz thaa main

aansu nahin banaa so ham ne
ujlat mein qahqaha banaayaa

main tire daaein baaein rahtaa huun
ai mire saamne ki majburi

zinda ikaTThe ho rahe hain
lagtaa hai koi mar gayaa hai

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

rang ho raushni ho yaa khushbu
sab mein partav usi hasin ke hain

jaane kyaa kah rahaa thaa vo mujh se
main ne bhi kah diyaa ki khush huun main

vo ik lamha jo tere qurb ki khushbu se hai raushan
ab is lamhe ko paaband-e-salaasil chaahtaa huun main

na puchh us ki dil-afsurdagi ki kaifiyyat
jo gham-nasib khushi mein bhi muskuraa na sakaa