qindil-e-mah-o-mehr kaa aflaak pe honaa — Sarvat Husain

saya-e-abr se puchho 'sarvat'
apne hamraah agar le jaae

shahzaadi tujhe kaun bataae tere charaag-kade tak
kitni mehraabein paDti hain kitne dar aate hain

kyuun girafta-dil nazar aati hai ai shaam-e-firaaq
ham jo tere naaz uThaane ke liye maujud hain

jise anjaam tum samajhti ho
ibtidaa hai kisi kahaani ki

ik daastaan ab bhi sunaate hain farsh o baam
vo kaun thi jo raqs ke aalam mein mar gai

teri aashufta-mizaaji ai dil
kyaa khabar kaun nagar le jaae

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

dil ko dil se raah hai to jis tarah se ham tujhe
yaad karte hain kare yuun hi hamein bhi yaad tu

raat teri yaadon ne dil ko is tarah chheDaa
jaise koi chuTki le narm narm gaalon mein

di qasam vasl mein us but ko khudaa ki to kahaa
tujh ko aataa hai khudaa yaad hamaare hote

tumhaari yaad meraa dil ye donon chalte purze hain
jo in mein se koi miTtaa mujhe pahle miTaa jaataa