havaa par hai ye buniyaad-e-musaafir khaana-e-hasti — Shah Naseer

tire hi naam ki simran hai mujh ko aur tasbih
tu hi hai vird har ik subh-o-shaam aashiq kaa

gale mein tu ne vahaan motiyon kaa pahnaa haar
yahaan pe ashk-e-musalsal gale kaa haar rahaa

aataa hai to aa vaada-faraamosh vagarna
har roz kaa ye lait-o-laal jaae to achchhaa

mere naale ke na kyuun ho charkh-e-akhzar zer-e-paa
khutba khvaan-e-ishq hai rakhtaa hai mimbar zer-e-paa

mushkil hai rok aah-e-dil-e-daaghdaar ki
kahte hain sau sunaar ki aur ik luhaar ki

puchhne vaalon ko kyaa kahiye ki dhoke mein nahin
kufr o islaam haqiqat mein hain yaksaan ham ko

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

husn jalva dikhaa gayaa apnaa
ishq baiThaa rahaa udaas kahin

shamim-e-pairahan-e-yaar kyaa nisaar karein
tujhi ko dil se lagaa lein tujhi ko pyaar karein

manzilein ishq ki aasaan huiin chalte chalte
aur chamkaa tiraa naqsh-e-kaf-e-paa aakhir-e-shab

mohabbat ho to jaati hai mohabbat ki nahin jaati
ye shoala khud bhaDak uThtaa hai bhaDkaayaa nahin jaataa