naala-e-bulbul se ghunchon ke kaleje phaT gae — Shahab Lakhnavi

saamne mohabbat ke hech hai siyaasat bhi
jab dimaagh thak jaae dil se kaam le ai dost

mai-khaana-e-hasti mein muflis ki javaani kyaa
ik laghzish-e-mastaana do-chaar qadam jaise

kaun ehsaan-e-naa-khudaai le
is se behtar to Duub jaanaa hai

dayaar-e-ghair mein luTte to koi baat na thi
luTe vatan mein to sadma huaa na jaane kyuun

aur baDhte to khudaai kaa bhi daave karte
khair guzri ki ye but rah gae but-khaane mein

karo gunaah-e-mohabbat tamaam umr 'shahaab'
khudaa ki di hui neamat buton ke kaam aae

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

jaise ye mez miTTi kaa haathi ye phuul
ek kone mein ham bhi hain rakkhe hue

chhup chhup ke jo aataa hai abhi meri gali mein
ik roz mire saath sar-e-aam chalegaa

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul