kyaa taaat-e-mudaam kaa inaam hai yahi — Shahryar Pardaz

jab tak thaa apnaa hosh vo rahte the dur-dur
ab aa gae qarib to apnaa pataa nahin

har mauj-e-tund jaanti hai naa-khudaaiyaan
tufaan to mere saath hai gar naakhudaa nahin

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe