jhuTi baatein rahne do — Shahzad Ahmad

ab to insaan ki azmat bhi koi chiiz nahin
log patthar ko khudaa maan liyaa karte the

zabaanein thak chukin patthar hue kaan
kahaani an-kahi thi an-kahi hai

ek se manzar dekh dekh kar aankhein dukhne lagti hain
is raste par peD bahut hain aur haraa koi bhi nahin

khule asraar us par jism ke aahista aahista
bahut din mein use baatein na karne kaa hunar aayaa

bharpur nahin hain kisi chehre ke khad-o-khaal
dekhaa nahin vo chaand jo puuraa nazar aae

khuli fazaa mein agar laDkhaDaa ke chal na sakein
to zahr piinaa hai behtar sharaab piine se

mere khvaabon ke jharokon ko sajaate rahiye
na sahi vasl magar yaad to aate rahiye

koi puraanaa khat kuchh bhuli-bisri yaad
zakhmon par vo lamhe marham hote hain

tu jafaaon se jo badnaam kiye jaataa hai
yaad aaegi tujhe meri vafaa mere baad

aataa rahaa huun yaad main us ko tamaam umr
is zaaviye se ishq mein naakaam kab huaa

usi ki tarah mujhe saaraa zamaanaa chaahe
vo miraa hone se zyaada mujhe paanaa chaahe

ham ko yaaron ne yaad bhi na rakhaa
'jaun' yaaron ke yaar the ham to