tere aane se yu khushi hai dil — Shaikh Zahuruddin Hatim

TuuTe dil ko banaa dikhaave
aisaa koi kaari-gar na dekhaa

saaf dil hai to aa kudurat chhoD
mil har ik rang biich aab ki tarah

muddat se khvaab mein bhi nahin niind kaa khayaal
hairat mein huun ye kis kaa mujhe intizaar hai

kapDe safed dho ke jo pahne to kyaa huaa
dhonaa vahi jo dil ki siyaahi ko dhoiye

doston se dushmani aur dushmanon se dosti
be-muravvat bevafaa be-rahm ye kyaa Dhang hai

tabibon ki tavajjoh se maraz hone lagaa duunaa
davaa is dard ki batlaa dil-e-aagaah kyaa kiije

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

ik nazar ne kiyaa hai kaam tamaam
aarzu bhi to thi yahi dil ki

vo bhi milne nai poshaak badal kar aayaa
main jo kal pairahan-e-khaak badal kar aayaa

phir aaj ek ghazal keh ke main mo'attar huun
phir aaj zakhm kiye apne sandali main ne

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi