sitam-navaazi-e-paiham hai ishq ki fitrat — Shakeel Badayuni

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

kaafi hai mire dil ki tasalli ko yahi baat
aap aa na sake aap kaa paighaam to aayaa

kal raat zindagi se mulaaqaat ho gai
lab thartharaa rahe the magar baat ho gai

lamhe udaas udaas fazaaein ghuTi ghuTi
duniyaa agar yahi hai to duniyaa se bach ke chal

shaguftagi-e-dil-e-kaarvaan ko kyaa samjhe
vo ik nigaah jo uljhi hui bahaar mein hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

puchhaa jo main ne yaar se anjaam-e-soz-e-ishq
shokhi se ik charaagh ko us ne bujhaa diyaa

vo bhi hai ik maqaam-e-ishq jahaan
har tamannaa gunaah hoti hai

ye kah ke diyaa us ne dard-e-mohabbat
jahaan ham raheinge ye saamaan rahegaa

is se baDh kar aur kyaa hai saada-lauhi ishq ki
aap ne vaada kiyaa aur ham ko baavar ho gayaa