dushvaari-e-hayaat ko dushvaar-tar banaa — Sharar Fatehpuri

kuchh na hone kaa gumaan thaa phir bhi
kuchh to hone ko huaa thaa kyaa thaa

us sitam pesha kaa eajaaz-e-sitam hi hogaa
dast-e-qaatil ko agar dast-e-masihaa likkhun

maslahat thi koi vo chup the agar
bolne vaale to khul kar bolte

un se 'sharar' kuchh aise bichhDe
jivan kaa har sapnaa bikhraa

mere hi khuun mein nahlaa ke 'sharar'
vo salibon pe sajaa degaa mujhe

be-hisi vo hai ki is daur mein jiine kaa mazaa
na gunaahon mein rahaa aur na savaabon mein rahaa

kam-umri mein sunet hain
mar jaate hain achchhe log

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

ek pattaa shajar-e-umr se lo aur giraa
log kahte hain mubaarak ho nayaa saal tumhein

zindagi naam isi mauj-e-mai-e-naab kaa hai
mai-kade se jo uThe daar-o-rasan tak pahunche

zindagi bhar dar-o-divaar sajaae jaaein
tab kahin jaa ke makinon pe makaan khulte hain