phunk kar saaraa chaman jab vo sharik-e-gham hue — Shaukat Pardesi

ye kaisi be-qaraari sunne vaalon ke dilon mein hai
varaq dohraa rahaa hai kyaa koi meri kahaani kaa

un ki nigaah-e-naaz ki gardish ke saath saath
mahsus ye huaa ki zamaana badal gayaa

us ki hansi tum kyaa samjho
vo jo pahron royaa hai

ai inqalaab-e-nau tiri raftaar dekh kar
khud ham bhi sochte hain ki ab tak kahaan rahe

sharik-e-dard nahin jab koi to ai 'shaukat'
khud apni zaat ki bechaargi ghanimat hai

hudud-e-jism se aage baDhe to ye dekhaa
ki tishnagi thi barahna tiri adaaon tak

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

fikr-e-fardaa gham-e-imroz gham-e-maut-o-hayaat
aadmi kyaa huaa majmua-e-aalaam huaa

jo kah rahe the ki jiinaa muhaal hai tum bin
bichhaD ke mujh se vo do din udaas bhi na rahe

tere baare mein jab sochaa nahin thaa
main tanhaa thaa magar itnaa nahin thaa