tere baare mein jab sochaa nahin thaa — Meraj Faizabadi

yuun huaa phir band kar liin us ne aankhein ek din
vo samajh letaa thaa dil kaa haal chehra dekh kar

mujh ko thakne nahin detaa ye zarurat kaa pahaaD
mere bachche mujhe buDhaa nahin hone dete

pyaas kahti hai chalo ret nichoDi jaae
apne hisse mein samundar nahin aane vaalaa

aaj bhi gaanv mein kuchh kachche makaanon vaale
ghar mein ham-saae ke faaqa nahin hone dete

shaaeri mein 'mir'-o-'ghaalib' ke zamaana ab kahaan
shohratein jab itni sasti hon adab dekhegaa kaun

zindagi di hai to jiine kaa hunar bhi denaa
paanv bakhshein hain to taufiq-e-safar bhi denaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

aate hain ayaadat ko to karte hain nasihat
ahbaab se gham-khvaar huaa bhi nahin jaataa

main Duubaa jaa rahaa huun un sadaaon ke bhanvar mein
mujhe ab chaaron jaanib se pukaaraa jaa rahaa hai

diida o dil ne dard ki apne baat bhi ki to kis se ki
vo to dard kaa baani Thahraa vo kyaa dard baTaaegaa