tire ehsaas mein Duubaa huaa main — Siraj Faisal Khan

main kahkashaaon mein khushiyaan talaashne niklaa
mire sitaare meraa chaand sab udaas rahe

zamin mere sajde se tharraa gai
mujhe aasmaan se pukaaraa gayaa

bichhaD jaaeinge ham donon zamin par
ye us ne aasmaan par likh diyaa hai

vasl mein suukh gai hai miri sochon ki zamin
hijr aae to miri soch ko shaadaab kare

likkhaa hai taarikh ke safhe safhe par ye
shaahon ko bhi daas banaayaa jaa saktaa hai

aaj meri ik ghazal ne us ke honTon ko chhuaa
aaj pahli baar apni shaairi achchhi lagi

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

dariyaaon ki nazr hue
dhire dhire sab tairaak

dariyaa ki zindagi par sadqe hazaar jaanein
mujh ko nahin gavaaraa saahil ki maut marnaa

dariyaa-e-mohabbat se 'muhib' le hi ke chhoDi
mujh ashk ne aakhir dur-e-naayaab ki miraas

kaun kahtaa hai ki maut aai to mar jaaungaa
main to dariyaa huun samundar mein utar jaaungaa

fitrat kaa ye sitam bhi hai 'daanish' ajiib chiiz
sar kaise kaise kaisi kulaahon mein rakh diye