ai mohabbat tujhe khabar hogi — Soz Hoshiarpuri

dil-e-haris hi apnaa na ho sakaa qaane
vagarna tere karam mein to kuchh kami na rahi

ek parda saa hai fareb-e-nazar
ye bhi uTThe to dekhnaa kyaa hai

piine ko yuun to shaikh bhi tayyaar hain magar
kahte hain shart ye hai girah se na zar khule

pas-e-murdan bhi musht-e-khaak mein kaisi ye vahshat hai
uThaa karti hai aandhi ban ke khaak-e-raaegaan meri

jise samjhaa hai tu ai sang-dil mai-khvaariyaan meri
tire khalvat-kade mein hain vo shab-bedaariyaan meri

dil miraa dard ke sivaa kyaa hai
ibtidaa ye to intihaa kyaa hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ye aansu ponchh lijiye aur muskuraaiye
chaara nahin hai koi bhi rukhsat kiye baghair

husn jalva dikhaa gayaa apnaa
ishq baiThaa rahaa udaas kahin

main ne apni palkon par gham-kade sajaae hain
aarzu ke maatam mein sogvaar hasti hai

ham haal to kah sakte hain apnaa pa kahein kyaa
jab vo idhar aate hain to tanhaa nahin aate