ye aur baat ki 'akhtar' haveliyaan na rahin — Sultan Akhtar

ik khauf-e-be-panaah hai aankhon ke aar-paar
taarikiyon mein Dubtaa lamha hai saamne

safar safar mire qadmon se jagmagaayaa huaa
taraf taraf hai miri khaak-e-justuju raushan

main vo sahraa jise paani ki havas le Duubi
tu vo baadal jo kabhi TuuT ke barsaa hi nahin

fursat mein rahaa karte hain fursat se zyaada
masruf hain ham log zarurat se zyaada

hamaari saada-mizaaji pe rashk karte hain
vo saada-posh jo be-intihaa rangile hain

saamne aankhon ke phir yakh-basta manzar aaegaa
dhuup jam jaaegi aangan mein december aaegaa

leaderi chaaho to lafz-e-qaum hai mehmaan-navaaz
gap-navison ko aur ahl-e-mez ko raazi karo

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

meraa azm itnaa buland hai ki paraae sholon kaa Dar nahin
mujhe khauf aatish-e-gul se hai ye kahin chaman ko jalaa na de

tu kaun hai ai vaaiz jo mujh ko Daraataa hai
main ki bhi hain to ki hain allaah ki taqsirein

ek muddat se miri maan nahin soi 'taabish'
main ne ik baar kahaa thaa mujhe Dar lagtaa hai

laDkhaDaa kar gir paDi unchi imaarat dafatan
dafatan taamir ki kursi pe khanDar jam gayaa