main jo kahtaa huun mujh se duur raho — Syed Zamin Abbas Kazmi

savaal-e-vasl pe ik baar aur ghaur karein
bajaa ki soch liyaa hai durust hai phir bhi

tumhaari baat se itnaa bhi dukh nahin pahunchaa
magar jo pahunchaa tumhaari vazaahaton se mujhe

pahle bhi jis pe mire sabr ki had khatm hui
tu ne kar di naa vahi baat dobaara mire dost

vo kah rahaa thaa buraai buraai janti hai
so us ke vaaste le kar kanval gayaa huun main

hamaari baat kaaTi jaa rahi hai
kisi kaa hausla baDhtaa rahaa hai

hijr hogaa na koi hijr kaa nauha hogaa
baaz aate hain mohabbat se jo hogaa hogaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

maarka garm to ho lene do khun-rezi kaa
pahle shamshir ke niche hamin jaa baiTheinge