savaal-e-vasl pe ik baar aur ghaur karein — Syed Zamin Abbas Kazmi

main jo kahtaa huun mujh se duur raho
ye nasihat hai iltimaas nahin

tumhaari baat se itnaa bhi dukh nahin pahunchaa
magar jo pahunchaa tumhaari vazaahaton se mujhe

pahle bhi jis pe mire sabr ki had khatm hui
tu ne kar di naa vahi baat dobaara mire dost

vo kah rahaa thaa buraai buraai janti hai
so us ke vaaste le kar kanval gayaa huun main

hamaari baat kaaTi jaa rahi hai
kisi kaa hausla baDhtaa rahaa hai

hijr hogaa na koi hijr kaa nauha hogaa
baaz aate hain mohabbat se jo hogaa hogaa

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ab yahi sochte rahte hain bichhaD kar tujh se
shaayad aise nahin hotaa agar aisaa karte

main tum se tark-e-ta'alluq ki baat kyuun sochun
judaa na jismon se 'anzar' kabhi bhi saae hue

jo dekhtaa huun zamaane ki naa-shanaasi ko
ye sochtaa huun ki achchhaa thaa be-hunar rahtaa

tujh se bichhaD ke ham to yahi sochte rahe
ye gardish-e-hayaat na aaegi raas kyaa