nikal ke khuld se un ko mili khilaafat-e-arz — Unknown

log kaanTon se bach ke chalte hain
main ne phulon se zakhm khaae hain

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

jin ke kirdaar se aati ho sadaaqat ki mahak
un ki tadris se patthar bhi pighal sakte hain

gham-e-aarzu kaa 'hasrat' sabab aur kyaa bataaun
miri himmaton ki pasti mire shauq ki bulandi

kuchh log jo savaar hain kaaghaz ki naav par
tohmat taraashte hain havaa ke dabaav par

vo utar gae the jo paar khud mujhe biich bahr mein chhoD kar
thaa jo un mein itnaa hi hausla mujhe Dubtaa bhi to dekhte

manzil na de charaagh na de hausla to de
tinke kaa hi sahi tu magar aasraa to de

har samt gard-e-naaqa-e-lailaa buland hai
pahunche jo hausla ho kisi shahsavaar kaa

chaahte to the mire aghyaar tu paidaa na ho
phir bhi ye himmat hai teri tu agar paidaa huaa