har samt gard-e-naaqa-e-lailaa buland hai — Altaf Hussain Hali

ek raushan dimaagh thaa na rahaa
shahar mein ik charaagh thaa na rahaa

aa rahi hai chaah-e-yusuf se sadaa
dost yaan thoDe hain aur bhaai bahut

jaanvar aadmi farishta khudaa
aadmi ki hain saikaDon qismein

ham ne avval se paDhi hai ye kitaab aakhir tak
ham se puchhe koi hoti hai mohabbat kaisi

gul-o-gulchin kaa gila bulbul-e-khush-lahja na kar
tu giraftaar hui apni sadaa ke baais

farishte se baDh kar hai insaan bannaa
magar is mein lagti hai mehnat ziyaada

piiri mein shauq hausla-farsaa nahin rahaa
vo dil nahin rahaa vo zamaana nahin rahaa

aaine par koi tohmat na dharo
khaal-o-khad apne sanvaaro saahab

abhi mujh mein bahut himmat hai lekin
kisi haare hue lashkar mein huun main

naahaq ham majburon par ye tohmat hai mukhtaari ki
chaahte hain so aap karein hain ham ko abas badnaam kiyaa

aate hain aane do ye tufaan kyaa le jaaeinge
main to jab Dartaa ki meraa hausla le jaaeinge

sakhtiyaan baDh rahin hain aalam ki
hausle muskuraae jaate hain