granth ik prem kaa paDhaa mujh ko — Vishal Khullar

vo jism ruuh khalaa aasmaan hai kyaa hai
ki rang koi ho us se judaa nahin miltaa

mere dukh ki davaa bhi rakhtaa hai
khud ko mujh se judaa bhi rakhtaa hai

dil jo ab shor kartaa rahtaa hai
kis qadar be-zabaan thaa pahle

main insaan thaa khudaa hone se pahle
anal-haq ki anaa hone se pahle

divaar-o-dar saa chaahiye divaar-o-dar mujhe
divaangi mein yaad nahin apnaa ghar mujhe

usi ke sher sabhi aur usi ke afsaane
usi ki pyaas kaa baadal ghaTaa mein aayaa hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

lagtaa hai judaa sab se kirdaar 'vasim' us kaa
vo shahr-e-mohabbat kaa baashinda nazar aae

use bahisht ke zindaan mein bhej denaa tum
gunaahgaar-e-mohabbat ko ye sazaa denaa

bahut tezaab phailaa hai gali-kuchon mein nafrat kaa
mohabbat phir bhi apne kaam se baahar nikalti hai

ye 'ishq laaegaa us moD par tujhe ek din
ghazal nahin tu miraa naam gungunaaegaa